ابحث في الموقع

Home » » كيف تتخلص من القلق بطريقة سهلة

كيف تتخلص من القلق بطريقة سهلة

on الثلاثاء، 25 أكتوبر، 2016 | 5:17 ص


كيف تتخلص من القلق بطريقة سهلة



رابط الموضوع الاصلي علي موقع كلام نت


كام مرة افتكرت شركة الاتصالات بتاعتك بحاجة كويسة ؟؟

لما الخدمة بتكون ممتازة محدش فينا بيتكلم... و لما مرة واحدة بس النت يعلق ولا يخصمو جنيه رصيد بتقعد تشتم في الشركة و في اللي عملها.

يا تري ليه.. ليه احنا كبشر مصممين نبص علي نص الكباية الفاضي و مش بنشوف خالص الحاجات الجميلة اللي في حياتنا؟؟

عشان المشاكل ايام الانسان البدائي مكانتش مجرد خناقة مع حماتك او ان مديرك راجل غلس
الانسان البدائي كان مضطر يدخل ينام و هو عارف ان في نمر او دب ممكن يجي و هو نايم يقتله و ياكل ولاده.

حتي فكرة قلة الموارد في حد ذاتها كانت مرعبة.. الفقر ساعتها كان معناه اسابيع من غير اي اكل يعني كان ممكن يموت بجد!

و بما ان المخ البشري مش بيقدر يستوعب و يركز في كل تفصيلة في نفس الوقت..
كان الطبيعي و المنطقي انه يتجاهل اي حاجة ايجابية 

و يركز اكتر في الحاجة السلبية لأنها بتشكل خطر حقيقي علي حياته!
هي ديه ال Negativity Bias 
مش اننا كائنات نمرودة و مصرين نبص علي نص الكوباية الفاضي..

لا اننا اتطورنا بشكل معين كان فيه حاجة سلبية معناها موتك.. و بالتالي كان لازم تركز عليها و متفكرش في الحاجات الايجابية...

بس اتمني انك تكون اذكي من ان مجرد خطأ تحيزي في دماغك يخليك تعيس بقيت عمرك...

كل ما تلاقي نفسك داخل في دور نكد.. وقف نفسك و اسأل نفسك ايه هو اسوء احتمال ممكن يحصل
 و فكر فيه هتلاقي انه مش سيء قوي ولا حاجة... و ان محدش هيموت.. و ان كله هيبقي تمام.

0 التعليقات:

إرسال تعليق

Google+ Followers

المتابعون

اعلان

موقع كلام نت

تابعنا على