ابحث في الموقع

Home » » كلمات تراك شوفت الواقع - صابر المصري

كلمات تراك شوفت الواقع - صابر المصري

on الاثنين، 11 يناير، 2016 | 6:19 ص

كلمات اغنية شوفت الواقع
 صابر المصري
 
حبيت زمان الناس ... والناس محبونيش
كنت بعيش عشانهم ... ولنفسي مش بعيش
دورت علي المحبة كتير
 لكن يا خسارة مفيش
لو دورت زيي هتتعب في الاخر متلاقيش

غلبان مسكين متواضع كلمات برواز حياتي
 لكنه وقع واتكسروكله اصبح عادي
اصل صوت الواقع عالي وكنت فاكره هادي
مش واخد بالي منه مع انه كان بينادي

حسيت بالسذاجة دي حقيقة ومش بنكرها
اصل كل مرة اقول فهمت حاجة اللاقي غيرها
اصلي شوفت الكره ساد  والمحبة قل خيرها
اتصدمت من الحقيقة  دي البداية ومش اخرها

شوفت اخ باع اخوه .. مصلحته كانت اهم
شوفت ام خلاص بتموت .. ومحدش بيها اهتم
شوفت عيلة بتكره بعض .. لا خير في خال ولا عم
شوفت ناس بتبيع بعضها
 من نفس العيلة ونفس الدم

شوفت اب كان حنين ..مع عياله وابوه لا
وداس على ابوه وامه .. ايوة عنهم افترق
التناقض كان صادمني ازاي عمل كدة
وبيعمل ليه الباطل مع انه عارف الحق

شوفت الاستغلال
شوفت الحمل عليا مال
شوفت لما جيت تعبت
 محدش جه يساعدني وشال

شوفت نفسي حابب حاجة حلوة .. ومش لاقيها
شوفت مشاعر ظاهرة فعل .. ومحدش حاسس بيها
شوفت ناس باعتني بالرخيص وكنت انا  شاريها
مش هتكلم عن حبيبتي .. انا كاره حبي ليها

الغدر والخيانة بقيو في طبع الناس
ومفيش حد طيب ما خلاص مات الاحساس
اتعلمت دروس كتير متعلمتش انا ببلاش
ووقت الدفع دفعت مش تقسيط ودفعت كاش
اصل القلب الابيض تعب محجوز في الانعاش
والقلب الاسود كبر  ايوة القلب الاسود   عاش

قررت اني اتغير بالافعال واكون منهم
بس انا مش مقتنع اني في يوم اعمل زيهم
قولت ممكن يتغيرو ... فكرت اني اقولهم
بس الحقيقة صعب ... مستحيل تغير طبعهم

اللي فات ما ماتش اصلي ....اتعلمت منه
الكبير كبير بعقله ....مالوش علاقة بسنه


في زمنا ليه مات الضميروحجمه بقى صغير
 بالنسبة للشر الكبير والناس ليه بتتغير
ومالك كدة مستعجب ومالك كدة متحير
ده الشر عمره طويل وعمر الخير قصير

والشر ساد في العالم والخير ديما بيقل
والانسان من الخير للشر ليه بيتنقل
وقلوب الطيبة ماتت وفاضلة  قلوب الغل
زهقة من الكلام والكلام اصبح ممل

0 التعليقات:

إرسال تعليق

Google+ Followers

المتابعون

اعلان

موقع كلام نت

تابعنا على